Shaqir Vukaj, ish-ambasador në Rusi i ftuar në emisionin “Me Xhaxhiun” ka folur për luftën në Ukrainë dhe pasojat që po sjell agresioni rus.
Sipas Vukaj, shpërbërja e Bashkimit Sovjetik ka sjellë pasoja duke shkaktuar luftëra të tjera në disa vende ku janë vrarë mijëra njerëz.
“Është shumë e vështirë kur do të përfundojnë luftimet në Ukrainë. Thelbi duhet kërkuar tek shpërbërja e bashkimit sovjetik. Presidenti rus Putin deklaroi që shpërbërja e bashkimit sovjetik ishte ngjarja më tragjike e shekullit të XX.
Ish-bashkimin sovjetik luftërat ndodhën ndryshe, pas shpërbërjes dhe kjo që po ndodh sot në Ukrainë është pasojë e asaj ngjarje që Putin e quajti tragjike. Pas shpërbërjes së bashkimit sovjetik kemi disa luftë, në Ceceni, në Dagistan, mes Armenisë dhe Ajzerbaxhanit. Pra kemi një mori luftërash ku janë vrarë faktikisht mijëra njerëz. Lufta në Ceceni nuk janë dhënë shifra të sakta sa janë vrarë. Por dihet që kryeqyteti i Cecenisë me 500 mijë banorë është pothuajse rafshuar njësoj si Stalingradi”, tha Vukaj.
