Stërmbesa e ish-udhëheqësit sovjetik, Nikita Hrushov ka paralajmëruar se Rusia mund të jetë e përgatitur për të përdorur armë bërthamore në Ukrainë.
Nina Khrushcheva profesore e marrëdhënieve ndërkombëtare në SHBA i tha BBC se ajo beson se presidenti rus Vladimir Putin do të bëjë gjithçka që duhet për të shpallur fitoren në luftë.
“Unë mendoj se Putini planifikon të fitojë këtë luftë dhe planifikon ta fitojë me çdo kusht. Nëse ai duhet të shpallë fitoren dhe ai mund të ketë nevojë të përdorë armë bërthamore taktike – nuk po e parashikoj këtë – ky mund të jetë një nga opsionet që rusët mund të jenë të përgatitur të përdorin”, tha ajo.
Armët bërthamore taktike janë më pak të fuqishme se raketat me rreze më të gjatë që u shfaqën gjatë epokës së Luftës së Ftohtë kur Nikita Hruschev udhëhoqi Bashkimin Sovjetik.
