Anëtari i Komisionit të Rithemelimit, Genc Deromemaj, e konsideron platformën e paraqitur nga Enkelejd Alibeaj për bashkimin e PD si një nismë që përçan edhe më shumë demokratët.
Në një intervistë për Syri Tv, Deromemaj shprehet se Alibeaj po vazhdon të njëjtën rrugë si Lulzim basha, duke mos ndërmarrë asnjë nismë për bashkimin apo shëndoshjen e PD.
“Ai ka guxuar deri aty sa ka përmendur edhe emra të personave që nuk kanë qenë dakord me atë strategji që prezantoi.
Alibeaj vazhdon rrugëtimin e njëjtë si Basha. Nuk po ndërmerr një nismë të mirë për shëndoshjen e PD-së”, tha Deromemaj.
Sa i përket katër kandidaturave për drejtimin e PD-së së Vlorës, Deromemaj theksoi se janë demokratë që kanë kontribuar ndër vite.
“Zgjedhja e kryetarit të degës po bëhet sipas parimit një anëtar një votë. Kanë pasur gjithë të drejtën të votëbesohen nga anëtarët e PD-së në Vlorë. Nuk mund të them asgjë më tepër pasi jemi në proces e sipër”, tha Deromemaj.
