Deputeti i PD, Enkelejd Alibeaj ka konfirmuar lajmin e dhënë më parë nga ish-kryeministri, Sali Berisha lidhur me një vizitë që deputeti i PD, Agron Gjekmarkaj do të kryejë në Shtetet e Bashkuara të Amerikës.
Alibeaj tha në emisionin “Kjo Javë” se Gjekmarkajn e prisnin takime me rëndësi dhe se lidhur me këtë temë do të shprehej më mirë ai personalisht.
“Po, është e vërtetë, Agron Gjekmarkaj, po e zbuloj, ai është një prej deputetëve që do të udhëtojë drejt Shteteve të Bashkuara të Amerikës. Një prej tyre, e presin takime me rëndësi, nuk po zbuloj më shumë pasi do të jetë vetë ai personi që do të thotë më shumë rreth këtyre takimeve”, u shpreh Alibeaj.
Ndërkohë ish kryeministri, Sali Berisha tre ditë më parë njoftoi për këtë takim që Gjekmarkaj do të zhvillonte në SHBA, duke shtuar se Basha nuk mund të udhëtonte dot sepse nuk i lejohej.
