Lorik Cana, ish-kapiteni i Shqipërisë, ka folur në lidhje me kompeticionin e Conference League në një intervistë të dhënë për TMW Radio:
“Roma ka potencialin për të arritur deri në fundin e Conference League. Unë do të jem tifoz me Marseille deri në fund”, ka thënë ish-ylli i Lazio-s dhe Marseille.
“Do të më pëlqente të shikoja një finale Marseille-Roma edhe pse jam lacial, por kam shumë miq që do të donin të vinin këtu në Shqipëri.
“Leicester është një kundërshtar i fortë, por Roma mbetet favorite. Mourinho është një pasuri e futbollit botëror dhe Roma është me fat që e ka.
“Nëse merr një trajner si Mourinho, atëherë duhet t’i japësh një vit kohë dhe e njëjta gjë vlen edhe për Maurizio Sarri-n te Lazio”, ka shtuar Cana.
“Nuk është e lehtë për Lazio-n që të synojë Champions-in. Me Inzaghi-n kanë qenë të jashtëzakonshëm, tani i duhet dhënë kohë Sarri-t dhe skuadrës që të kuptojë lojën e tij. Më pas, nëse Lotito do të shtojë disa elemente që do t’i shërbejnë Sarri-t, do të jetë gjithçka më e lehtë”.
