Drejtori i Agjencisı për Median dhe Informimin, Endri Fuga, konfirmoi incidentin e ndodhur në muajin dhjetor në Gjermani, të raportuar nga gazeta “Der Spiegel”, ku Kryeministri Edi Rama është shoqëruar nga policia nga avioni i linjës Frankfurt-Detroit, për shkak se nuk pranonte të mbante maskën mbrojtëse kundër koronavirusit.
“Lajm i vjetër, për një incident që në thelb nuk kishte vendosjen e maskës, por sjelljen e pahijshme të njërit prej anëtarëve të ekuipazhit. Ndjesa e kompanisë u pranua që atë ditë”, shkruan Fuga në një reagim në Twitter, ku publikoi edhe letrën me të cilën Ramës i kërkohej falje nga ana e Lufthansa-s.
Lajm i vjeter, per nje incident qe ne thelb nuk kishte vendosjen e maskes, por sjelljen e pahijshme te njerit prej anetareve te ekuipazhit. Ndjesa e kompanise u pranua qe ate dite. pic.twitter.com/lqNNMSXeOU
— Endri Fuga (@endrifuga) April 15, 2022
