Jeton Selimi ka reaguar për deklaratën e mbrëmshme të Olsi Ramës. Drejtori i përgjithshëm i Partizanit u shpreh i keqardhur për numrin e ulët të tifozëve në shkallët e stadiumit “Loro Boriçi”. Pikërisht kjo deklaratë ka nxitur gazetarin sportiv shqiptar, që prej disa vitesh është zhvendosur në Itali. Edhe pse distanca me vendin tonë është e madhe, ai në asnjë moment s’e ka humbur vëmendjen për Partizanin, ekipin e tij të zemrës.
Për këtë Selimi shkruan në rrjetet sociale: “Jam në dilemë se cili mes Ols Ramës dhe Bert Xhanit është personi më i dështuar në historinë e Partizanit. Edhe pse në rastin e Bertit ai harxhonte paratë e veta. I bie që ky tjetri është në nivel Superiore dështimi që ka për hobi numërimin e tifozëve. Ajo që më habit është fakti se mirë ky që ka patupërsinë për të mos dhënë dorëheqjen, por si ka mundësi që nuk shkarkohet me një vendim presidenti si në rastin e Lerdës”.
Kujtojmë që Partizani u eleminua dje nga Vllaznia në gjysmëfinalen e Kupës së Shqipërisë pasi ruleta e penalltive i buzëqeshi shkodranëve me rezultatin 5-4.
