Mbrojtja i ka ofruar jo pak siguri Interit gjatë sezoneve të fundit. Shkriniar, Bastoni e De Vraj janë treshja më e mirë e kampionatit edhe këtë vit, por në verë ky mur pritet të shpërbëhet.
Por mes hipotezave, diçka më konkrete ka për Alesandro Bastonin. Gjigandët e Bajernit të Mynihut janë vënë në ndjekje të 23- vjeçarit dhe pavarësisht se Interi e konsideron të pashitshëm italianin, tundimi është i madh.
Largimi më i mundshëm dhe i dëshiruar nga Interi është ai i De Vrajit, por në mungesë të ofertave për të, ai që mund të bëjë valixhet gati është edhe Shkriniar, i cili mund të jetë “kurbani’ për bilancin që vajton.
E në rast largimi të njërit, Gleison Bremer është aty, në pole, gati për të lënë Torinon e për t’u veshur zikaltër.
