Lulzim Basha pohoi këtë të Enjte se autoritetet shqiptare duhet të hetojnë personat e shpallur “non grata” nga SHBA.
Komentin e bëri në një prononcim për mediat jashtë Kuvendit, që është mbledhur këtë të Enjte në seancë plenare.
A duhet të hetohen personat e shpallur “non grata”, u pyet Basha.
“Normalisht po. Kjo është pyetje që i jam përgjigjur më përpara dhe s’ka nevojë të shtjellohet shumë. Nëse ka një akuzë të rëndë nga një vend aleat strategjik, detyra e drejtësisë do ishte të hetonte prej kohësh dhe të jepte një përgjigje shteruese”, tha ai.
I pyetur nëse ai ka vizë amerikane, ish-kryetari i PD tha: “Kam pasur një vizë prej kohësh, nëse më duhet një vizë do e kërkoj dhe do e marr”.
