I ftuar në emisionin “Të vaksinuarit” në Fax News avokati Ilir Aliaj tha se nuk mund të besohet ‘Këshillimi Kombëtar’ nga kryeministri Rama kur kemi të bëjmë me një masakër të zgjedhjeve të 25 prillit vitin e kaluar.
Aliaj theksoi se sipas raporteve ndërkombëtare, është e provuar se në zgjedhjet parlamentare të 2021, ka qenë fenonem masiv blerja e votës dhe se qeveria ka përdorur të gjitha burimet e saj për të siguruar fitoren.
Aliaj: Sipas nenit të Kushtetutës parashikon se qytetarët kanë të drejtën e Referendumit dhe ne morëm këtë iniciativë dhe kemi bërë dhe disa takime me njerëz të medias e shoqërise civile për të prezantuar draftin tonë. Kryeministri bëri atë që e quan ‘Këshillimi Kombëtar’, unë dua ta shoh në këndvështrim tjetër, më 25 prill patëm zgjedhjet parlamentare po të shohim raportet e OSBE sa te besueshme kanë qenë këto zgjedhje.
E para, mundësinë e kufizuar për të zgjedhur lirisht mes alternativave politike thotë raporti i 2021, fenonem masiv blerja e votës dhe e treta thotë Departamenti i shtetit amerikan që qeveria përdori burimet e saj për të blerë zgjedhjet.
Kështu ka folur departamenti për zgjedhjet, si mund të besojmë ne këto rezultatet e këtij Këshillimi, ne na janë vjedhur votat të gjithëve dhe në këtë kuadër unë them se ajo që del e thotë kryeministri është terësisht e pabesueshme, më jep provat zotëri. E drejta e informimit e kufizuar dhe janë të gjithë këto elementë qe e bëjnë Këshillimin Kombëtar pa sens.
Në 2006 është firmosur marrëveshja CEFTA, me një veshtrim të thjeshtë në ëebin e saj cefta.org do gjeni cdo gjë edhe me atë që quhet arbitrazh, e dini kush është vendi e parë që e ka shkelur?
Serbia, sepse ka vendosur taksë doganorë produkteve të Maqedonisë, ka qenë e njëjta qeveri me një mik të Vuçiç. Rama flet për Open Ballkan, u firmos marrëveshja mes 3 vendeve, sipas Kushtetutës marrëveshjet ndërkombëtare ratifikohen në parlament, a ka një draft në parlament?!
