Është mbyllur 1-1 koha e rregullt mes Vllaznisë dhe Partizanit, ndërsa skuadra e dytë finaliste e Kupës së Shqipërisë do të përcaktohet gjatë kohës shtesë.
Në sfidën e sotme, fillimisht në avantazh kaluan kryeqytetasit në minutën e 4-t. Aksion i shpejtë në krahun e majtë për Kallakun, pasim në qendër të Skuka i cili e kthen për Malën. Ky i fundit gjuan me shpejtësi dhe gjen rrjetën.
Përgjigja e vendasve erdhi në minutën e 27-të. Pas një harkimi nga e djathta, topi shkon te Aralica i cili gjuan drejt portës dhe falë një devijimi mposht Hoxhën.
Kujtojmë që takimi i parë i zhvilluar në “Elbasan Arena” u mbyll pa gola.
