Kryetarja e LSI-së, Monika Kryemadhi ka reaguar lidhur me raportin e DADSH, i cili e rendit Shqipërinë ndër vendet, ku korrupsioni, mungesa e pavarësisë së gjyqësorit dhe pandëshkueshmëria janë problem i madh.
Sipas Kryemadhit, “Peshku qelbet nga koka” dhe se ky raport është skaner i arsyeve të krizës institucionale.
Kryemadhi ka reaguar për raportin, në rrjetin social Facebook.
Deklarata
“Peshku qelbet nga koka”, do të ishte përkufizimi troç e shqip i raportit të DASH për Shqipërinë. E kam lexuar me shumë shqetësim çdo gjetje, që nga zgjedhjet me probleme, korrupsioni në çdo qelizë të qeverisjes, mungesa e pavarësisë së gjyqësorit edhe pas reformës në drejtësi, e deri tek kufizimi i lirive e të drejtave themelore.
Përtej çdo justifikimi, raporti i DASH është skaner i arsyeve të krizës institucionale, ekonomike dhe të shpopullimit masiv, që ndikohen drejtëpërdrejtë nga keqqeverisja e organizatës së strukturuar kriminale të inceneratorëve.
E kuptueshme që qeveria e fasadave nuk i pëlqen raportet faktike por deklaratat propagandistike, ndaj i ftoj të lexojnë edhe deklaratën e sotme që zyrtari i INL ka bërë në Tiranë për aferën e inceneratorëve dhe pastrimin e parave të pista në ekonominë e Rilindjes.
