Policia greke ka arrestuar një shqiptar, që akuzohet se ka përdhunuar një 17-vjeçare.
Ngjarja ka ndodhur pasditen e së martës. Mediat në vendin fqinj shkruajnë se shqiptari kishte vetëm pak kohë që ishte liruar nga burgu.
Ai nisi kontaktet me vajzën përmes rrjetit social “Instagram”. Ata lanë takim së bashku.
Ka qenë 17-vjeçarja, që bashkë me nënën e saj, ka bërë denoncimin në polici.
Vajza, që pretendon se është përdhunuar, është paraqitur në polici duke qarë.
I arrestuari nuk ka pranuar akuzën, duke thënë se gjithçka është bërë me konsensus.
