Autorët e vrasjes së 55-vjeçarit Nazmi Bandula, dyshohet se është kryer nga vrasës me pagesë.
Hetuesit kanë dalë në këtë përfundim nisur nga mënyra se si është ekzekutuar Bandula.
Burime nga grupi hetimor, bëjnë me dije se në vendin e ngjarjes janë gjetur shumë pak prova që mund të ndihmojnë në identifikimin e autorëve.
Pas ngjarjes, Policia e Shkodrës ka shoqëruar mbi 20 persona, të cilët janë marrë në pyetje lidhur me ngjarjen.
Pesë nga personat e pyetur janë dëshmitarë okular. Përpara grupit hetimor ata janë shprehur se nuk kanë mundur të identifkojnë ekzkeutuesit, përveç faktit që autorët udhëtonin me një automjet tip “BENZ”, me xhama të zinj.
Gjithashtu hetuesit kanë pyetur edhe familjarë të viktinës, por edhe këta nuk kanë dhënë asnjë ndihmesë për hetimin.
Pista kryesore ku janë përqëndruar hetimet janë larja e hesapeve dhe përfshirja e mundshme e viktimës në grupet kriminale.
