Për herë të parë është zbuluar ambienti i brendshëm luksoz dhe i veshur me ar i vajzës “sekrete” të Presidentit Vladimir Putin.
Luiza Rozova, 19 vjeç është vajza e ‘ish-dashnores’ së Putin, Svetlana Krivonogikh, 45 vjeç, një pastruese e kthyer në multimilionere, e cila tani zotëron aksione në një bankë të madhe ruse.
Luiza dhe Krivonogikh thuhet se po kërkojnë të japin me qira apartamentin elitar në Shën Petersburg për 7,700 £ në muaj, duke përfshirë tarifat e shërbimeve.
Fotot nga agjencia e pronave të lidhura me Gjermaninë, Engel & Volkers, tregojnë ekstravagancën e jashtëzakonshme të ambienteve të brendshme të veshura me ar.
Fqinjët në bllokun elitar janë disa nga miqtë më të vjetër të Putinit, shumica e të cilëve tani janë të sanksionuar nga Perëndimi.
Por Luiza, ndryshe nga dy vajzat më të mëdha të Putinit, nuk është sanksionuar.
Së fundmi u tha se Luiza dhe nëna e saj tani jetojnë në një apartament tjetër rus, i cili kohët e fundit kishte vlerë prej 1.7 milionë paund përpara se sanksionet perëndimore të shkaktonin një rënie dramatike në ekonominë ruse.
Putin nuk e ka pranuar publikisht vajzën e tij, e njohur gjithashtu si Elizaveta ose Luiza Krivonogikh.
Brenda kati i parë ka një dhomë ndenjeje dhe një tarracë me pamje nga lumi Neva. Një llambadar gjigant mund të shihet i varur nga tavani në korridor.
Kati i dytë ka një dhomë gjumi me një krevat të veshur me ar dhe një dhomë për fëmijë me një tavan të lyer në mënyrë të ndërlikuar dhe një zonë lojërash.
Ne katin e trete te apartamentit ndodhet një lokal me kinema dhe një shezllon me dizenjo italiane e mbuluar me letër floriri.
Emri i Krivonogikh nuk përmendet nga agjenti i pasurive të patundshme që reklamon apartamentin me qira prej 447.4 metrash katrorë, por apartamenti i saj dihet se është i vetmi i kësaj madhësie në kompleksin prej 21 apartamentesh elitare.
Kur BBC e telefonoi, ajo e mbylli telefonin.
