Një episod qesharak, që ka shkaktuar tension, është regjistruar në kategoritë e ulëta spanjolle, konkretisht në Tercera Division, në ndeshjen mes Villanueva del Pardillo dhe Colmenar Viejo, që u mbyll në barazim 1-1.
Pak minuta nga fundi, portieri i vendasve nisi mirë aksionin, duke nxjerrë të tijtë në kundërsulm, në një situatë të favorshme 4 kundër 2, por miqtë këtë herë i shpëtoi ndihmës-trajneri.
Menjëherë sapo pa se aksioni mund të shndërrohej në kërcënim, ai u ngrit nga pankina, vrapoi në fushë dhe gjuajti topin, duke ia hequr nga këmbët sulmuesve të vendasve.
Menjëherë shpërtheu tensioni dhe nervozizmi i vendasve, teksa arbitri ndëshkoi me karton të kuq ndihmës-trajnerin mik dhe rezultati mbeti i pandryshuar deri në fund.
