Dy muaj e gjysmë mungesë dhe rikthim i hidhur për Novak Djokoviç. Tenisti numër 1 në botë që ka luajtur vetem 3 ndeshje këtë sezon dhe ato në Dubai, debutoi sot në Mastersin e Monte Carlos dhe ajo që tregoi konfirmon se është jashtëzakonisht larg formës së tij të dikurshme.
Tenisti serb u mund nga spanjolli Davidovich Fokina 6-3, 6-7(5), 6-1 teksa në paraqitjen e tij ranë në sy edhe humbja e shpeshtë e shërbimeve të vet serbit.
Me setin e parë të dominuar nga spanjolli, Djokoviç reagoi teksa fitoi me vështirësi të dytin dhe u mendua se po shkonte drejt fitores por edhe seti i tretë ishte një zhgënjim i madh i humbur me rezultatin 6-1.
Ky kompeticion duhej të ishte një provë force për Nole përpara French Open ku duhet të mbrojë titullin e tij por siç shihet, forma e tij lë të për të dëshiruar dhe nisi që me rrëmujën e madhe të ndodhur në Australian Open.
