Ndërkohë që prej orës 13:00, vijon mbledhja e grupit parlamentar të PD-së, janë zbardhur edhe disa prej qëndrimeve të deputetëve të pranishëm.
Deputeti, Lefter Gështenja ka kërkuar që në parti të mos mbaheshin zgjedhje për kryetarin në një moment kur ende nuk kishte një unifikim apo bashkim të partisë.
Më tej ai bëri edhe disa propozime, ku thelbi ishte organizimi i takimeve në terren për të dhënë mesazhin e bashkimit të demokratëve për të shkuar më pas në zgjedhjet lokale të vitit që vjen.
Deputeti i PD, Lefter Gështenja: Ka kohe që PD është në një krizë të thellë. Pasi PD nuk fitoi zgjedhjet 25 prillit, nisi bjerrja apo rrjedhja e pare e antaresise dhe struktures, ku shume demokrate shprehnin pakenaqsine per ate cka ne nuk erdhem ne pushtet.
Krisja e dyte dhe me thelle ishte vendimi i 9 shtatorit, e per pasoje vendimet e njepasnjeshme te 11 dhe 18 dhjetorit qe cuan ne carjen dhe krizen e thelle te PD.
Duke pare dhe pranuar realitetin ku ndodhemi sot si PD, Ne duhet te ndermmarim nje proces gjitheperfshires ku secili nga ne duhet te kontriboje jo per te perfituar por duke dhene maksimumin ne funksion te bashkimit dhe organizimit real te PD.
Në thelb të ketij procesi mendoj se duhet te qendroje: ‘‘armepushimi’’ mes demokrateve, vota e fshehte e lire dhe e barabarte.
Cfare kuptimi ka hapja apo bashkimi i partise nese NE vazhdojme bejme zgjedhjet perpara se te hapet apo te bashkohet Partia?
Mendoj qe ne PD nuk duhet te egzistoje termi shumice pakice, pasi ne duhet te jemi NJE te jemi te gjithe bashke kunder Edi Ramës, ndarja ne mazhorance e minorance ne Parti na con ne ndarje dhe percarje te struktures ne te gjitha Nivelet.
Nuk eshte aspak normale që në procesin e zgjedhjeve brenda ne Parti te mos perfshihen kryetaret /drejtuesit/ ish drejtuesit e strukures se degeve qe kane shpenzuar per 30 vjet kohe mund dhe para, jane njerez me vlera dhe kontribute, jane njerez qe kane sepaku 9 vjet ne nje opozite te veshtire. Ata nuk përfshihen thjesht per faktin se mendojne ndryshe apo nuk kane firmosur formularin, nderkohe nuk jane larguar per asnje moment nga PD.
Une them qe kjo nuk eshte normale, kjo nuk është demokraci, kjo nuk eshte hapje e partise ky nuk eshte bashkimi, por eshte e kunderta.
Për zgjidhjen e kësaj krize propozoj:
Ngritjen e Grupeve te Perbashketa Pune në nivel qendror dhe lokal për organizimin dhe drejtimin e procesit te bashkimit dhe zgjedhjeve ne PDSH ne nivel qendror (5deputete) dhe lokal (5 veta drejtues strukture) (deri me 15/04/2022).
Te drejten per te kandiduar e ka cdo demokrat qe ploteson kriteret e percaktuara më pare.
Nderkohe duhet te fillojme me urgjence punen ne terren duke dalë te gjithë bashke per te dhene mesazhin e Bashkimit pasi pas 1 viti kemi zgjedhjet lokale, te japim mesazh te qarte per cdo demokrat qe Grupi Parlamentar eshte i bashkuar dhe i unifikuar.
