Real Madrid ka eliminuar kampionët në fuqi të Champions League, Chelsean, duke siguruar biletën për në gjysmëfinale.
Chelsea arriti një nga përmbysjet më spektakolare duke fituar 3-2 në “Santiago Bernabeu” në 120 minuta lojë dhe kaq nuk mjaftoi për të vijuar më tej.
Madrilenët janë favorizuar nga fitorja 3-1 një javë më parë në Londër, duke bërë që tani të presin fituesin e çiftit Manchester City- Atletico Madrid për gjysmëfinalen.
Zhbllokimi i takimit erdhi që në minutën e 15-të me Mason Mount. Lojtari është mjaft i saktë, duke çuar topin pas shpinës së Courtouis. 5 minuta më pas, Carvalaj ka mundësi të vendosë ekuilibrat, por nuk shfrytëzon siç duhet një top të ardhur për të brenda zonës.
Në të 35-ën, Rudiger tenton të dyfishojë shifrat, por goditja e tij tregon se nuk është një sulmues.
Rudiger realizon sapo fillon e dyta. Blutë e Londrës marrin zemër dhe gjejnë edhe golin e 3-të me Werner (75′). Loss Blancos zgjohen me Rodrigon, në të 80-tën.
Në kohën shtesë, gjashtë minuta pasi kishte nisur e para, madrilenët gjejnë golin me të përhershmin Benzema, duke i çuar shifrat në 2-3.
