Nënkryetari i LSI, Petrit Vasili, thotë se sanksionet e SHBA-ve, janë në një trajektore zbritëse, duke nisur me shpalljen non-grata të Sali Berishës dhe duke përfunduar te sanksionet ndaj Ylli Ndroqit dhe Aqif Rakipit.
I ftuar në emisionin “Të Paekspozuarit” më MCN TV, Vasili tha se SHBA-të nuk kanë vepruar ndaj personave që janë në pushtet.
“Nuk është puna për të trimëruar sistemin tonë të drejtësisë. Sepse këtë mbështetje SHBA-të e kanë dhënë, kanë kthyer përmbysë drejtësinë dhe kanë ndërtuar drejtësinë e re. Më duket një trajektore zbritëse, pas Berishës, te Ylli Ndroqi dhe te Aqif Rakipi.
Sa i takon metrit të rrezikshmërisë dhe problemit, dikush do të pyeste, rrezikshmëri, nuk kemi fakte për këta që u shpallën sot. Kemi rast ekzemplar, që ish ministri i brendshëm ndodhet në burg. Nuk ka ndonjë shpallje non-grata.
Dihet që presidenti i Malit të Zi është dënuar nga drejtësia dhe është strehuar në Serbi. Nuk dëgjojmë që të ketë ndonjë pozicionim të SHBA ndaj Vuçiç. Kemi Gruevskin që është strehuar në Hungari… Shuplakat e forta duhet ti marrim ata që janë dhe ata që e përdorin autoritarizmin e tyre.
Publiku i thjeshtë, cfarë kuptojmë? Ata që ndihmojnë non-gratat nuk dezinjohet dhe kurajo jepet me njerëz që nuk kanë më funksione.
Mësimi është që ata që janë në pushtet të vazhdojnë të bëjnë zullumin dhe post motrum ti dënojmë.
Ai që na përpilon situatën e Shqipërisë, na shënon disa rekorde të rënda. Na quan bazë të krimit të organizuar. Të gjithë janë të interesuar a ka përballje ndaj tyre?
Nëse nuk ndodh nuk e di sa edukative janë këto masa dhe sa trimëri i japin drejtësisë”, tha Vasili.
