Motra e modeles Emina Çunmulajt, Pepi, publikoi në rrjete sociale një foto e cila nuk u prit aspak mirë nga shqiptarët.
Në foto shihej ajo duke puthur posterin e presidentit serb, Aleksandër Vuçiç nën mbishkrimin: “E ardhmja është e ndritur” duke e aluduar të ardhmen e shtetit serb nën drejtimin e tij.
Pas komenteve të shumta negative në rrjet, Pepi ka vendosur që të bëjë një sqarim për të gjithë duke e përshkruar veprimin e saj si “sarkazëm” dhe duke i kërkuar falje të gjithë shqiptarëve.
“Kërkoj nga mediat që të mos e shfrytëzojnë postimin tim për të sulmuar motrën time, e cila e ka dëshmuar misionin e saj fisnik për shqiptarët. Kërkoj ndjesë të gjithë miqve dhe familjarëve dhe shqiptarëve të cilët janë ndjerë të fyer nga postimi im, por ua them edhe një herë që në asnjë moment nuk e kam menduar se do të keqkuptohet sarkazma që kam bërë me atë postim”, shkruan ajo në postimin e saj.
Ndër të tjera, ajo shkruan se vjen nga një familje patriotike dhe në asnjë moment nuk ka menduar të idealizojënjë kriminel si Vuçiç.
