Të tjera detaje janë zbardhur nga aksioni i urdhëruar nga SPAK për arrestimin e policëve të Pikës së Kalimit Kufitar në Morinë, që akuzohen për shpërdorim detyre dhe korrupsion.
Nga përgjimet e publikuara, rezulton se efektivët e policisë merrni shumë ta konsiderueshme parash duke favorizuar njerëz që kalonin në kufi edhe pse duke shkelur ligjin.
Sipas SPAK, punonjësit përfitonin shumë të ndryshme deri në 400 euro nga ata që kryenin kontrabandë.
Gjithashtu nga përgjimet del se efektivët e policisë kanë përdorur edhe sistemin TIMS, për të verifikuar penalitetin e personave të dyshuar që kalonin në kufi.
Nga dosja e SPAK rezulton se janë dokumentuar 313 raste të dyshuara për korrupsion, ndërsa në ambientet e punës së punonjësve të policisë ishin instaluar kamera përgjuese.
Një nga këto kamera, e vendosur te kondicioneri është zbuluar nga efektivët e arrestuar, të cilët kanë tentuar ta shkatërrojnë, por në ambientin e punës kishte edhe pajisje të tjera përgjimi dhe filmike.
GJKKO vlerësoi dje masat e sigurisë, ndërsa ka çmuar se ka dyshime të arsyeshme të bazuara në prova se personat nën hetim Laert Sulo, Ani Hoxholli, EMilton Hasllanaj, Halim Shehu, Arben Kastrati, Arjan Sokoli, Dashnor Braha, Elidjana Toçila, Endrit Uka, Fatri Isiberi, Fatri Braha, Gëzim Duraku, Haqif Halilaj, Kapllan Dogjani, Mimoza Shahinaj (Ismailaj), Muhamet Cengu, Rezarta Lako, Urim Lami (Elezi), Vehbi Nerguti, Vojsava Selmani, Xhuliana Maksutaj, Ylber Hoxha, Bedri Duraku, Avni Tershalla, Arben Goçi, Shpëtim Cenaj, Atli Jashati dhe Sule Onuzi, “Korrupsioni pasiv i personave që ushtrojnë funksione publike”, e kryer në bashkëpunim.
Nga përgjimet e SPAK rezulton se edhe në bisedat telefonike flitet për shuma parash në këmbimit të kalimit në kufi. Siç kuptohet nga përgjimet efektivët u merrnin lekë nën dorë qytetarëve dhe më pas ryshfetin e ndanin me njëri-tjetrin.
Në një prej episodeve të përgjuara dy efektivët Halim Shehu dhe Fatri Iseberi flasin me njëri tjetrin për shumat e kërkuara dhe ndarjen e lekëve.
Nga sa kuptohet nga përgjimet e siguruara nga gazetarja Xhensila Kodra, Halim Shehu ka folur me klientin por ky i ka ofruar 150 mijë lekë, kurse efektivi nuk ka pranuar duke thënë se nuk bëhet pa 250. Këtë bisedë ai e ka ndarë me kolegun Fatri Iseberi. Ky i fundit duket se është dakord dhe me këtë shumë.
“Njëqind e pesëdhejtëshi nuk a keq. Gjendja ka degjeneru prapë (nuk kuptohet qarte) i degjenerum”, thuhet në një pjesë përgjimi për marrjen e lekëve.
