Ardian Mema mendon se fakti që Tirana nuk po toleron askënd, është një nga meritat më të mëdha të skuadrës që po ecën drejt titullit kampion. Në emisionin “Sport News Plus” me moderatore Daljana Sejdiaj, ai komentoi fitoren e thjeshtë ndaj Skënderbeut.
Kur ke hap kampioni kështu veprohet. Sot Tirana ishte formalitet, por cilësitë janë shumë më të mira se Skënderbeu dhe individët bëjnë diferencën në çdo moment në fushë. Po e shihja Tiranën edhe me një lloj keqardhje për Skënderbeun se është ekip që ka bërë histori, Por kështu janë gjërat, futbolli i tillë është, është i pamëshirshëm dhe të dikton në momente të caktuara dhe e gjen veten keq e nuk të fal futbolli.
Aty pjesa dërrmuese e lojtarëve vijnë edhe nga jashtë, dinë të bëjnë ndeshjen dhe të marrin fitoren, nuk kanë asnjë lloj tolerimi si individë. Emra si Totre, Seferi, Najdovski apo Toshevski profesionalizmin e kanë në shpirt duke ardhur nga jashtë. Është gjë e mirë dhe Tirana jep shembullin më të mirë që luan për të fituar ndeshjen me çdo skuadër dhe kjo është gjëja më e mirë”, tha Mema.
