Komisioni i Organizimit dhe Kontrollit të Operacioneve Elektorale në Partinë Demokratike ka verifikuar zyrtarisht tre fituesit për kryetar të PD-së në Fier, Selenicë dhe në Fushë-Krujë.
Kryetarja e këtij Komisioni, Albana Vokshi njofton se në krye të PD-së së Fierit është zgjedhur Rrapi Gjika me 56 përqind të votave, kryetar i PD-së në Selenicë u zgjodh Leonard Rakipaj me 76 përqind të votave dhe kryetar i PD-së në Fushë-Krujë u zgjodh Agron Loka me 92 përqind të votave.
Postimi i Albana Vokshit:
Njoftim i Komisionit të Organizimit dhe Kontrollit të Operacioneve Elektorale të Partisë Demokratike
Komisioni i Organizimit dhe Kontrollit të Operacioneve Elektorale të Partisë Demokratike njofton që është përmbyllur procesi zgjedhor në tre degët e PD Fier, Selenicë dhe F. Krujë.
Procesi i votimit u mbyll në orën 18.00.
Pas numurimit të fletëve të votimit, Kryetarë të degëve të PD shpallen si më poshtë vijon:
- PD Fier, z. Rrapi Gjika me 56% të votave
- PD Selenicë, z. Leonard Rakipaj me 76% të votave
- PD Fush-Krujë, rizgjidhet z. Agron Loka me 92% të votave.
Komisioni I Organizimit dhe Kontrollit të Operacioneve Elektorale falenderon të gjithë anëtarët që u bënë pjesë e procesit të votimit për zgjedhjen e Kryetarit të degës së tyre sipas parimit “një anëtar një votë”, për një Parti Demokratike më të bashkuar, më të forte e më të hapur.
