Skënderbeu-Tirana do të jetë ndeshja ku trajneri Skënder Gega do të kërkojë fitoren e parë. Ish-trajneri i Partizanit kërkon me ngulm pas tri barazimeve tre pikët e para që të mbajë gjatë shpresën e mbijetesës.
Gjithsesi, për Skënderbeun një fakt i tillë është pothuajse i pamundur. Skënderbeu për ata që nuk e dinë, nuk fiton me Tiranën prej nëntorit 2019, pra korçarët nuk e shijojnë fitoren prej më shumë se dy vitesh e gjysmë. Për Skënderbeun tri pikët janë mision i pamundur, duke parë se kanë vetëm 4 barazime dhe më pas vetëm humbje.
Të dy trajnerët kanë bërë publike edhe formacionet zyrtare. Korçarët vijnë në këtë duel me mungesa të shumta. Një fakt interesant që vlen të theksohet është se trajneri Gega i ka besuar shiritin e kapitenit Moraeshit, në mungesë të Zguros dhe Meksit. Ndërkohë në krahun tjetër trajneri Orges Shehi ka hedhur në fushë formacionin më të mirë të mundshëm.
FORMACIONET ZYRTARE:
SKËNDERBEU: Ruçi, Vitija, Sadriu, Shehi, Frashëri, Vrapi, Dumfur, Zhan Viktor, Moraesh, Mara, Pusi. Trajner: Skënder Gega.
TIRANA: Bekaj, Toshevski, Najdovski, Hoxhallari, Ismailgeci, Toli, Limaj, Totre, Xhixha, Seferi, De Silva. Trajner: Orges Shehi.
