Ka nisur me gol ndeshja mes Clermont dhe Paris Saint-Germain, e vlefshme për javën e 31 -të të kampionatit fracnez të futbollit.
Kanë qenë parisienët që kanë arritur të tundin rrjetën pas vetëm gjashtë minutash lojë. Autori i golit ka qenë brazilianit Neymar, i cili ka shënuar me lehtësi pas pasimit të marrë nga Messi.
Problemi ka qenë se një prej lojtarëve kundërshtarë ishte i shtrirë në tokë në zonën e rreptësisë duke kërkuar ndaljen e lojës, por lojtarët e PSG-së nuk janë ndalur.
Siç mund të imagjinohej, protestat e lojtarëve të Clermon kanë qenë të menjëhershme. Disa prej tyre kanë rrethuar arbitrin, por goli është konsideruar i vlefshëm.
Ndërkohë në minutën e 19-të PSG ka dyfishuar shifrat me anë të Kylian Mbappe.
