Për shkak të një klauzole që e pengon të luajë ndaj ekipit që zotëron kartonin e tij, Armando Broja ishte mungesa e madhe në duelin Southampton-Chelsea në “St. Mary” jo i dëmtuar por sepse marrëveshjet janë të tilla mes të dyja klubeve.
Gjithsesi pa Brojën nuk pati histori në fushë pasi Chelsea reagoi mirë pas humbjes në Champions League. Rezultati final ishte i pamëshirshëm, 6-0 me ndeshjen që nuk kishte histori teksa Mount dhe Werner shënuan nga dy gola dhe Alonso e Havertz ishin autorët e tjerë të golave.
Ky sukses bën të harrohet të paktën humbja aksidentale 1-4 me Brentford në Premier League ndërsa Southampton e ka humbur formulën magjike të rezultateve pozitive.
Një rezultat negativ, i dyti radhazi ishte edhe për Arsenalin që humbet në shtëpi 1-2 me Brighton. “Topçinjtë” humbasin kështu terren edhe në luftën për një vend në Champions dhe bashkë me Man. United largohen edhe më shumë nga ky objektiv. Ishin miqtë që kaluan të parët në avantazh me Trossard në 29’ ndërsa sërish Brighton shikoi Artetan me një gol në pjesën e dytë me anë të Mwepu në 67’.
Në 89’ vjen dhe goli i Saka por që nuk mjafton për topçinjtë që pësojnë kështu disfatën e dytë radhazi.
