Presidenti i Republikës Ilir Meta akuzoi qeverinë se po e shfrytëzon luftën në Ukraine për të rritur çmimet.
Në një deklaratë për mediat, Kreu i Shtetit u shpreh se nuk është faji i Presidentit që në Ukrainë ka luftë, por çmimet nuk rriten, ndërsa në Shqipëri po fluturojnë.
“Nuk ju ka thënë ju presidenti që të shkatërroni sigurinë energjetike. Nuk i ka thënë presidenti që shiteni lirë fare dhe pastaj blijeni me 7-fishin e çmimit. Të fitoni tani ju në kulmin e krizës dhe t’ja vini fajin Ukrainës. Nuk është faji i presidentit që në Ukrainë bëhet luftë dhe nuk rriten çmimet. Ndërsa këtu çmimet fluturojnë”, tha Meta.
Me tej Kreu i Shtetit tha se “I kam paralajmëruar prej kohësh të mos i vënë stërkëmbëshin interesit publik. Asnjë veprim të Prokurorisë dhe SPAK, nuk kemi parë për ndëshkimin e akteve mafioze të Bashkisë së Tiranës, si shembja e Teatrit dhe inceneratori”.
