Kryeministri i Britanisë së Madhe Boris Johnson është duke zhvilluar një vizitë surprizë mesditën e sotme në Kiev.
Ambasada ukrainase në Londër publikoi një foto nga takimi Zelensky-Johson duke shkruar “surprizë”, pasi më parë nuk ishte njoftuar asgjë.
Ky takim ndodh një ditë pasi Von Der Leyen shkoi me ekipin e saj në Kiev, duke u takuar kokë me kokë me presidentin ukrainas.
Rusët janë tërhequr tashmë nga veriu i Ukrainës, duke u pozicionuar në lindje dhe jug, ndërsa autoritetet vendase paralajmëruan një ofensivë të tyre në rajonin e Luhanskut, duke kërkuar nga qytetarët që të largoheshin prej atyre zonave.
