Ajo fitore me Juventusin duket se ka ndryshuar gjithçka te Interi. Zikaltërit po rigjejnë momentin e tyre më të mirë pas një periudhe të “zezë” dhe sot arritën të merrnin suksesin e dytë radhazi.
Në “San Siro”, djemtë e Inzaghit luajtën ndaj Veronës, një ekip që u ka hapur probleme të gjitha ekipeve të mëdha në Serinë A por Interi në pjesën e parë ishte dominues duke shënuar 2 herë me Barella në 22’ dhe Dzeko në 30’.
Pjesa e dytë shikon Interin të tërhiqet dhe Verona që rrezikon me disa raste ndërsa D’Ambrosio godet dhe shtyllën për zikaltërit. Në fund një fitore 2-0 që për momentin e ngjit Interin në vend të dytë me 1 pikë më pak se Milani e gjithashtu me një ndesje më pak.
