Mizoritë ruse në Ukrainë nuk kanë të ndalur, teksa prej 44 vitësh vijon agresioni ushtarak.
Një tjetër masakër si ajo e Bucha-s është evidentuar në Makarov, në afërsi të Kievit.
Kryetari i Bashkisë atje, Vadym Tokar, ka thënë se ka gjetur 132 trupa civilësh brenda një varreze masive.
Viktimat janë vrarë nga ushtarët rusë, të cilët javët e para mësyn me egërsi në këto zona.
Kryebashkiaku ka thënë po ashtu se gjysma e qytetit është shkatërruar plotësisht.
Sakaq, vlen të përmendet se të shtunën u publikuan detaje nga masakra e Bucha-s, ku u gjetën në varre masive trupat e 400 civilëve.
Pamjet shokuese u shpërndanë me shpejtësi në rrjete sociale dhe u dënuan nga liderët e vendeve Perëndimore.
Thuajse të gjithë njëzëri, bënë thirrje nga instancat përkatëse që të hetojnë rastin, ndërsa pritet të ngrihen akuza për krime lufte ndaj drejtuesve të Kremlinit.
