Anëtari i Komisionit të Rithemelimit të PD, Ivi Kaso ka reaguar pas një njoftimi të Gjykatës së Tiranës, lidhur me shqyrtimin e padisë së Enkelejd Alibeajt, për vendimin e datës 25 mars, që regjistroi statutin e Kuvendit të 11 dhjetorit.
Përmes një postimi në rrjetet sociale, Ivi Kaso sqaron se nuk është pranuar asnjë ankim ndaj vendimit që njeh Kuvendin e 11 dhjetorit.
Sqarimi
Për të gjithë ata që janë shqetësuar nga njoftimi i sotëm i Gjykatës së Tiranës, sqaroj se nuk është pranuar asnjë ankim ndaj vendimit që njeh Kuvendin dhe Statutin e 11 Dhjetorit!
Njoftimi i sotëm i gjykatës vetëm SQARON se ky ende ështe në pritje të vendimit, nqse ky është ankim sipas ligjit apo sipas qejfit të disave!
NUK ËSHTË PRANUAR PËR SHQYRTIM ENDE ASNJË ANKIM. Praktikisht askush s’ka vendosur akoma nëse vendimi i 25 Marsit ka ankim apo jo.
Përpjekja nëpërmjet marifeteve proceduriale apo zvarritjeve, nga ata që refuzuan t’i shihnin firmat e delegateve të Kuvendit te Demokratëve si në seli ashtu edhe në gjykatë, nuk mund të pengojë çertifikimin ligjor të vullnetit të tyre!
