Jemin Sheraj, është zyrtarisht i dyshuar nga SPAK si porositës i vrasjes së biznesmenit Behar Sofia, i cili u ekzekutua në shkurt të vitit të kaluar.
Ndaj Sherajt, SPAK ka prerë urdhër arrest, ndërsa Prokuroria arriti në këto konkluzione përmes vëzhgimit të pamjeve filmike.
Urdhri ende nuk është ekzekutuar, ndërsa Jemin Sheraj rezulton të jetë ulur në kafe me Skënder Vathin, i arrestuar si i dyshuar për vrasjen e biznesmenit.
Mediat raportojnë se nga pamjet e siguruara nga SPAK, është fiksuar që i jep një letër Vathit i cili më pas largohet nga lokali.
Ky i fundit ka refuzuar të bashkëpunojë me drejtësinë dhe të japë emra nga ana tjetër, prokuroria ka mundur të zbërthejë të riun që ka pranuar ekzekutimin e Sofisë!
Policia ka kryer një sërë operacionesh për të bërë të mundur arrestimin e Sherajt, por nuk e ka gjetur në banesën e tij.
VrasjA e Sofisë, e cila ndodhi pranë ETC-së në Tiranë, në shkurt të vitit të kaluar, u zbulua pasi autori i dyshuar Ernejt Shyti hoqi rrobat që përdori në vrasje dhe i fshehu në afërsi të liqenit.
Pasi u arrestua në Mal të Zi, Shyti vendosi të bashkëpunojë me drejtësinë.
66-vjeçari Behar Sofia u vra më 25 shkurt 2021 në mes të Tiranës, teksa pati disa të arrestuar. Për këtë vrasje janë arrestuar Ernejt Shyti, Skënder Vathi, Xhuljano Visha dhe Leonard Xhixha.
Ekzekutori në këtë grup kriminal dyshohet të jetë Ernejt Shyti, i cili ka pranuar para bluve se ka qenë ai personi që ka qëlluar mbi 66-vjeçarin Behar Sofia dhe se për të kryer këtë vrasje i është premtuar 50 mijë euro.
Personat e tjerë kanë ndihmuar Shytin në kryerjen e planit të vrasjes, duke i siguruar mjete të ndryshme që i nevojiteshin.
