Nga Boldnews.al
Vjen një ditë që atë lëmsh të madh, korrupsion, selektim për legalizime dhe abuzim me pronat që ke bërë në nëntë vite, ta kesh në pragun e zyrës ku u ngul e nuk po e shkul as “rruspa” e kryeministrit Edi Rama. Pasi qëndroi katër ditë i ngujuar në zyrë për orë të zgjatura nga frika e përballjes me disa banorë nga Kruja që e “izoluan” për parregullsi në legalizimin e një pallati, Lame nuk ka mundur të shpëtojë as ditën e sotme.
Këtë radhë ishin banorët e Laprakës, Paskuqanit dhe Kodrës së Priftit që protestuan para zyrës së kreut të Kadastrës Shqiptare Artan Lame.
Banorët me ironi, por edhe me të vërteta bërtisnin nga jasht: “Dil të të jap një kafe 15 mijë euro, o i korruptuar”. Tundimi mund të jetë i madh sa herë flitet për shuka me euro që jepen nëndorë për një legalizim banese, një certifikatë pronësie për troje apo toka arë në të gjithë vendin, por Lame këtë herë duket se nuk do të shpëtojë aq lehtë.
Ai ndodhej në zyrë por ka hezituar për një kohë të gjatë të presë një përfaqësi të banorëve që preken nga ndërtimi i Unazës së Madhe dhe rrezikojnë që tu shemben banesat dhe të mos përfitojnë dëmshpërblim sipas ligjit. Shkak është pikërisht Kadastra Shqiptare që për qindra banesa nuk ka lëshuar leje legalizimi edhe pse ndërtimet nuk janë kryer në zonat e parashikuara më parë për ndërtim të veprave publike.
Drejtori i Përgjitshhëm i Kadastrës Artan Lame shmanget sa herë sheh qytetarë të revoltuar me të drejtë që protestojnë poshtë zyrës së tij. Nuk është individ që si pëlqen të debatojë, por e ka të qartë se abuzimet janë të shumta dhe përballja me qytetarët do i nxjerrë zbuluar aferat e rënda që nëse do mateshim me volum janë një mal i madh.
Ajo që e bën më të rëndë këtë situatë është fakti i legalizimeve selektive dhe ky fenomen po nxjerr krye çdo ditë e më shumë, ku më të dukshme aferat janë bërë në zonat informale të kryeqytetit. Shumë banesa nuk janë legalizuar dhe disa të tjera kanë marrë bekimin e drejtorëve të Lames dhe të vetë atij, duke ua dhënë lejen e legalizimit dhe mbartur dyshimin e madh për aferat që kanë ndodhur dhe po ndodhin.
Pyetjet janë mëse të drejta se si ka mundësi që një banesë legalizohet dhe një tjetër që është ngjitur me të nuk ia japin lejet e ndërtimit? Nëse do të shihet koha kur janë mëshuar më shumë leje i përket përiudhës së pak javëve para zgjedhjeve të përgjithshme të 25 prillit 2021. Në atë kohë kandidatët për deputetë të Partisë Socialiste premtonin legalizime në këmbim të votave, por sipas dëshmive janë të shumta rastet që banorët janë detyruar edhe të paguajnë nëndorë.
