Gazetari i Top Channel, Muhamed Veliu, ka pyetur Gabriel Escobar, zv.Ndihmës Sekretar i Shtetit dhe i dërguari i DASH për Ballkanin Perëndimor, në lidhje me deklaratat e ish-Kryeministrit Sali Berisha ndaj ambasadores Yuri Kim.
Gazetari e pyet Escobar për një qëndrim lidhur “me sulmet ndaj ambasadores”.
Berisha e ka cilësuar ambasadoren si “guvernatore” dhe ka deklaruar se ajo nuk mund të ndërhyjë në punët e brendshme të Partisë Demokratike.
Escobar thotë se është “i tronditur nga sulmet ndaj ambasadores” dhe se ajo “përfaqëson personalisht Presidentin Biden”.
“Jam i tronditur nga sulmet ndaj ambasadores tonë të SHBA në Tiranë. Ne e dimë se ofensiva e këtyre sulmeve nuk përfaqëson popullin shqiptar. Ambasadorja Kim është përfaqësuese personale e Presidentit të Shteteve të Bashkuara. Siç edhe zëdhënësi Departamentit të Shtetit e bëri të qartë në Dhjetor ne presim prej saj të vazhduarit të shpjeguarit dhe zbatuarit të politikave të SHBA, përfshi ato të Presidentit Biden përfshi vendosmërinë që ne do të vendosim përpara përgjegjësisë ata të përfshirë në korrupsion e minojnë demokracinë. Pozicioni ynë në lidhje me të shpallurit “non grata” për korrupsion apo minojnë demokracinë është i qartë, i vendosur, i fortë dhe i pandryshuar”, thotë Escobar.
