Një aksident i rëndë ka ndodhur në aksin Elbasan-Peqin, në afërsi të fshatit Broshk.
Në aksident janë përfshirë dy automjete tip Benz, ku njëri prej tyre ka pësuar dëmtime në pjesën e përparme, ndërkohë që tjetri është goditur nga mbrapa.
Si pasojë e aksidentit janë plagosur dy drejtuesit e mjeteve, të cilët janë transportuar në spital për të marrë kujdesin e nevojshëm mjekësor.
Policia dhe grupi hetimor ndodhen në vendngjarje dhe po punojnë për zbardhjen e rrethanave të aksidentit.
