Ambasadorja amerikane, Yuri Kim ka zbardhur detaje nga takimi 1 orësh me kryetarin e Grupit Parlamentar të PS-së, Taulant Balla.
Takimi që filloi rreth orës 11:30 u zhvillua në kryesinë e Kuvendit.
“Takova kryetarin e Grupit Parlamentar të PS-së Taulant Balla me të cilin diskutuam rritjen e bashkëpunimit mes Shqipërisë dhe SHBA-së, vazhdimin e zbatimit të reformës në drejtësi, e cila mbështetet nga SHBA dhe është e nevojshme për Shqipërinë që t’i bashkohet BE-së. Gjithashtu u diskutua dhe për të respektuar rolin institucional të Parlamentit”, shkruan Kim në Twitter.
Dy ditë më parë, ambasadorja takoi kryetaren e Kuvendit, Lindita Nikolla, ndërsa ditën e djeshme ajo takoi Kryetarin e Grupit Parlamentar të PD-së, Enkelejd Alibeaj.
Në fokus të këtyre takimeve të ambasadores raportohet se është zgjedhja e Presidentit të ri.
Met w/ PS Floor Leader @taulantballa to discuss increasing 🇺🇸 🇦🇱 cooperation during our centennial celebration; continuing implementation of justice reform, which is supported by 🇺🇸 & necessary for 🇦🇱 to join 🇪🇺; and respecting Parliament’s institutional role. pic.twitter.com/KG5gsOnSZP
— Ambassador Yuri Kim (@USAmbAlbania) April 6, 2022
