Historia e pilotit grek, që vrau në gjumë gruan e tij britanike 20 vjeçe Karoline Crouch ka tronditur opinionin publik në Greqi.
Autori i dyshuar i ngjarjes, Babis Anagnostopoulos do të dalë në gjykatën e Athinës të premten.
Ai akuzohet për ekzekutimin e Caroline, por edhe për vrasjen e qenushit të tyre të quajtur Roxy, pikërisht natën e krimit makabër që u zbulua vetëm pak ditë më vonë, kur edhe u zbulua se autori i ngjarjes së rëndë ishte piloti 33 vjeç.
Fillimisht ai kishte lajmëruar policinë se në shtëpinë e tyre kishin hyrë hajdutët, që kishin vrarë gruan e tij dhe qenushin. Por, historia ishte krejt ndryshe.
Gjyqi i së premtes do të jetë hera e parë që sistemi ligjor grek do të japë vendim për një çështje të vrasjes së kafshëve.
Evangelia Tsanopoulou, avokatja e qenushit Roxy tha për MailOnline se ajo do të argumentonte pretendimet e saj që Anagnostopoulos t’i jepej një dënim maksimal prej dhjetë vjetësh për vrasjen e qenushit, përveç çdo dënimi që ai mund të marrë për vrasjen e gruas së tij. Prokurorët pretendojnë se vrasjet ishin të paramenduara dhe kanë kërkuar që Anagnostopoulos të dënohet me burgim të përjetshëm për vrasjen e Caroline.
Ndërsa ai e ka pranuar vrasjen, ka deklaruar se ishte një ‘krim pasioni’ pasi 20-vjeçarja britanike i kishte kërkuar divorcin.
Ai ka këmbëngulur se e vrau Roxy-n pas ‘panikut’, ndërsa përpiqej të sajonte një histori sesi vdiq gruaja e tij.
Trupi i Caroline u zbulua pranë foshnjës së saj atëherë 11-muajshe, Lydia, ndërsa Roxy i varur ishte gjëja e parë që tmerroi oficerët e policisë kur ata hynë në shtëpi, pasi Anagnostopoulos i lajmëroi ata, duke pretenduar se hajdutët kishin hyrë në shtëpinë e tyre.
