Drejtori i Hekurudhës Shqiptare, Ani Dyrnishi ka dhënë dorëheqjen nga detyra e tij.
Dyrmishi ka dhënë dorëheqje për arsye personale. Ai qëndroi në krye të hekurudhës shqiptare nga viti 2018.
Më herët, Dyrmishi mbante detyrën e drejtorit të Hipotekës Durrës.
Dyrmishi po ashtu është anëtar i Këshillit Bashkiak të qytetit të Durrësit, ndërkohë që gjatë ushtrimit të detyrës së drejtorit të hekurudhave, i është vendosur dhe një sasi tritoli në makinën e tij.
Në një rast të dytë, makina e tij është qëlluar me breshëri armësh.
Dyrmishi ishte futur në listën e zezë të drejtuesve të institucioneve nga kryeministri Edi Rama, e megjithatë ai qëndroi në krye të Hekurudhës për më shumë se 4 vite.
