Gjokë Jaku njoftoi pak ditë më parë dorëheqjen nga posti i Prefektit të Lezhës. Ndërkohë sot në mbledhjen e Qeverisë është miratuar vendimi për emërimin e Gjergj Prendit në këtë funksion.
“Në mbështetje të neneve 100 e 114 të Kushtetutës dhe të nenit 5, të ligjit nr.107/2016, “Për prefektin e qarkut”, me propozimin e ministrit të Brendshëm, Këshilli i Ministrave
V E N D O S I:
1. Z. Gjokë Jaku, prefekt i Qarkut të Lezhës, lirohet nga kjo detyrë.
2. Z. Gjergj Prendi emërohet prefekt i Qarkut të Lezhës.
Ky vendim hyn në fuqi menjëherë dhe botohet në “Fletoren zyrtare””, thuhet në vendimin e Qeverisë.
