Një 28-vjeçar ka telashe me policinë, duke u procedua penalisht në gjendje të lirë, pas një konflikti banal që ka pasur me një shtetase, të cilën e ka kërcënuar dhe dhunuar.
Bëhet fjalë për shtetasin V.M, 28 vjeç, banues në Kurbin. Ai po ndiqet penalisht në gjendje të lirë për veprat penale “Dëmtime të tjera me dashje” dhe “Kanosja”.
Ky shtetas, pas një konflikti për motive të dobëta, ka goditur e kanosur me fjalë shtetasen M.M.
Njoftimi i policisë:
Specialistët e Seksionit për Hetimin e Krimeve në Komisariatin e Policisë Kurbin kanë proceduar penalisht në gjendje të lirë për veprat penale “Dëmtime të tjera me dashje” dhe “Kanosja”, shtetasin V. M., 28 vjeç, banues në Kurbin.
Ky shtetas, pas një konflikti për motive të dobëta, ka goditur dhe kanosur me fjalë shtetasen M. M.
Materialet procedurale iu referuan Prokurorisë pranë Gjykatës së Rrethit Gjyqësor Lezhë dhe Prokurorisë pranë Gjykatës së Rrethit Gjyqësor Kurbin, për veprime të mëtejshme.
