Të tjera detaje zbardhen lidhur me çantën e dyshimtë, e cila u gjet në karriget e një lokali në lagjen ’15 tetori’ në Fier.
Mësohet se banorët të alarmuar kanë njoftuar policinë.
Nga raportimet mësohet se çanta është gjetur pranë biznesit të 40-vjeçarit Henrik Hoxhaj, i cili u arrestua në të njëjtën mbrëmje me Nuredin Dumanin.
Në momentin e arrestimit, Hoxhaj u kap me armë në brez. Mbetet ende e paqartë nëse çanta ka një bombë dhe nëse është vendosur rastësisht pranë biznesit apo është vënë për t’i dhënë një mesazh të fortë Hoxhajt.
Ndërkohë në vendin e ngjarjes ndodhen ekipet anti-eksploziv.
