Një makinë u përplas në portën e ambasadës ruse në Bukuresht, Rumani, mëngjesin e së mërkurës, sipas agjencisë shtetërore ruse të lajmeve TASS, shkruan CNN.
Incidenti ndodhi rreth orës 6:30 të mëngjesit me kohën lokale, tha TASS, duke cituar Radio Romania. Sipas radiostacionit, makina më pas mori flakë.
Sipas policisë, shoferi ka vdekur, tha agjencia shtetërore ruse e lajmeve. Trafiku është kufizuar në rrugën ku ndodhet ambasada dhe forcat e rendit po hetojnë shkaqet e incidentit, thuhet në raport.
