Ambasadorja e SHBA-ve në Tiranë, u shfaq si guidë shpirtërore këtë të Martë, në një takim me rinj.
E pranishme në një konferencë për promovimin e një shkolle si qendër komunitare, ambasadorja amerikane u dha të rinjve disa këshilla.
“Dua t’ju them që nëse jeni pjesë e shkollave ose programeve ose thjesht nëse jeni vetvetja dua t’ju them se është e rëndësishme që të bëni diçka dhe të veproni me ambicie dhe respekt. Dua që të jemi ambiciozë për veten, për shkollat, për vendin tonë, për popullin tonë, për botën tonë. Të mendoni në përmasa të mëdha, të mendoni për atë që kini por dhe atë që mund të jeni. Nuk duhet thjesht të punosh me përmasa të mëdha, por të punosh dhe fort. Po gjithashtu do të mund të zhvilloni aftësitë tuaja. Çfarë duhet të zhvilloni? A është shkollimi? A është gjuha angleze. A është të pikturuari. Çfarëdolloj gjëje të jetë, zhvillojeni këtë. Dhe respekti është gjithashtu i rëndësishëm, por respektimi nis nga respektimi i vetvetes”, u shpreh Kim.
“Dhe duhet t’ia bëni vetes këtë pyetje çdo mëngjes; kush jam unë dhe se cili dëshiroj të bëhem. Respektojeni veten, të tjerët. Respektoni jo për shkak të ndonjë faktori tjetër, por për shumë arsye. Qoftë nëse e lexojmë në internet dhe në politikë, dëgjojmë ndonjëherë mesazhe urrejtjeje. Dhe ata duan që ju të urreni dikë tjetër për shkak se janë më të pasur se ju apo vjen nga një pjesë tjetër e vendit, ose nga një fe tjetër. Ekziston një shprehje që thotë; urrejtja gërryen enën që mban. Duke mbajtur urrejtje brenda vetes suaj, do të ishte shumë e dëmshme për ju, do të shkatërronte vetëvlerësimin tuaj. Për këtë arsye refuzoni urrejtjen, refuzoni njerëzit që mbartin mesazhin e urrejtjes dhe mbusheni veten me shpresë”, vijoi ajo.
“Por edhe mbusheni me ambicie për veten, sepse ju jeni më të mirë se kaq. Gjithashtu duhet të keni parasysh se deri sa doni të ecni në jetë, nuk i bëni dot gjërat vetë, duhet të jeni pjesë e një ekipi. Të gjithë ata që janë pjesë e programeve të shkollave komunitare, janë pjesë e një ekipi. Dhe vërtet shpresoj se mund të merrni ndihmë nga miqtë sa herë të keni nevojë për to, dhe gjithashtu të jeni të gatshëm dhe për ta afruar këtë ndihmë të tjerëve kur ata të kenë nevojë. Dhe dua që ta dini, si ambasadë e SHBA-ve, si ambasadorja amerikane këtu, unë ju konsideroj se jeni pjesë e ekipit tonë. Dua dhe shpresoj që ju të na konsideroni si pjesë e ekipit tuaj. Shkoni në botë, mbajeni mend se kush jeni, mendoni se çfarë do të bëheni dhe punoni me punën në ekip. Mos harroni se jeni fëmijë dhe jeni të shkëlqyer. Kjo duartrokitje është për ju!”, tha ambasadorja Yuri Kim.
