Deputeti Tritan Shehu në një deklaratë nga selia e Kuvendit ka ripërsëritur thirrjet që parlamenti të miratojë rezolutë, që të dënojë krimet e luftës që kanë ndodhur në Ukrainë.
Shehu tha se vendi ynë duhet të dënojë krimet e luftës në shtetin ukrainas, ndërsa gazetarët e pyetën atë edhe për çështje të brendshme në PD.
Gazetarët e pyetën Shehun në lidhje me takimin e Alibeajt me ambasadoren Yuri Kim, teksa kjo e fundit njeh si kryetar të komanduar të PD-së deputetin.
Shehu vlerësoi se njohja nga Kim e Alibeajt si kryetar të PD është lajm sekondar.
“Shiko, unë sot kam ardhur që të diskutoj për këtë çështje dhe të mos përhapem në lajme sekondare. Ka vend për diskutime kjo çështja tjetër që ju më pyetët.
Parësore është rreshtimi i Shqipërisë në krah të aleatëve, për të dënuar me rezolutë atë që është duke ndodhur në Ukrainë”, u shpreh Shehu.
