Gonzalo Higuain është gati të thotë mjaft me futbollin. Sulmuesi 34-vjeçar, dikur i Napolit, Juventusit dhe Milanit, ndër të tjera, ka vendosur të tërhiqet në fund të kontratës së tij aktuale me Inter Miami (31 dhjetor 2022), ashtu siç bëri të ditur babai i tij Jorge për “TNT Sports”.
Higuain bëri debutimin e tij në futbollin profesionist me fanellën e River Plate në moshën 17 vjeçare, më 29 maj 2005.
Pas dy vitesh me skuadrën argjentinase, “El Pipita” filloi një rrugëtim të gjatë në futboll që e çoi atë të vishte fanellat e disa prej ekipeve më të rëndësishëm të botës, si Real Madrid (2007-2013), Napoli (2013-2016), Juventus (2016-2018), Milan (2018-2019) , Chelsea (2019), sërish Juventus (2019-2020) dhe nga 2020 Inter Miami.
Shifra e tij personale flet vetë: 319 gola në 680 paraqitje. Lista e trofeve është gjithashtu e lakmueshme, i cili e pa atë të fitojë La Liga tre herë (Real Madrid: 2006-2007, 2007-2008, 2011-2012), dy Superkupën e Spanjës (Real Madrid: 2008, 2012), një Kupën e Spanjës. Real Madrid: 2010-2011), tre Scudetto (Juventus: 2016-2017, 2017-2018, 2019-2020), tre Coppa Italia (Napoli: 2013-2014; Juventus: 2016-2017-2016-2017), Superkupën e Italisë (Napoli: 2014) dhe një Europa League (Chelsea: 2018-2019).
