Deputeti Dashnor Sula tha se është me Partinë Demokratike, dhe jo me atë që është sot kryetar apo mund të jetë nesër.
Në emisionin “Të Paekspozuarit”, Sula u pyet nëse është me Sali Berishën apo Lulzim Bashën, ndërsa u shpreh se nuk është me asnjë prej tyre.
“S’jam as me Bashën as me Berishën, kam qenë dhe do të jem me PD. Nuk më intereson se kush është kryetari. Nëse mendoni se kriza u zgjidh me dorëheqjen e Bashës, gabohemi, pasi ka shumë probleme. Komisioni i Rithemelimit ka ardhur me revansh, mua kjo rrugë as më pëlqen dhe as e mbështes.
I kam thënë Berishës që të mos mbyllte rrugët e komunikimit me Bashën. Rrugët u mbyllën dhe sot flitet për bashkim, ndërkohë që çarja ka zbritur poshtë në bazë”, tha Sula.
