Një 23-vjeçar shqiptar ka përfunduar në prangat e policisë italiane, i dyshuar për përfshirje në trafik droge.
Sipas mediave vendase, arrestimi i 23-vjeçarit, i cili ishte banues në Shqipëri ka ndodhur në Lugano në kuadër të një hetimi të kryer në bashkëpunim me shërbimet antidrogë të Policisë së qytetit.
Që nga fillimi i marsit, shqiptari ka shitur me pakicë kokainë dhe heroinë për klientët vendas. Kërkimi i tij si dhe i banesës ku qëndronte rezultoi me zbulimin e rreth 700 gram heroinë dhe rreth 150 gram kokainë si dhe mbi 5000 franga.
Veprat kundër tij janë shkelje e rëndë e Ligjit Federal për Drogat Narkotike dhe shkelje e Ligjit Federal për të huajt. Arrestimi u konfirmua nga gjyqtari i masave shtrënguese, ndërsa koordinimi i hetimeve iu besua prokurores Marisa Alfier.
