Roma e drejtuar nga Jose Mourinjo ka arritur një tjetër fitore të rëndësishme në ndeshjen përball Sampdorias, e cila përfundoj me rezultatin 0-1 në favor të verdhekuqëve.
Për suksesin e skuadrës së drejtuar nga tekniku portugez mjaftoj vetëm një gol i shënuar nga Mkitarjan, në pjesën e parë të lojës. Puna e mirë në mbrojtje dhe hapësirat e pakta të lejuara ndaj sulmit të Sampdorias, bën që Roma të merrte një tjetër 3-pikësh me vlerë në luftën për një vend në kupat e Europës për sezonin e ardhshëm.
Vetëm 4 minuta në fushën e lojës për mbrojtësin e Kombëtares sonë, Marash Kumbulla, i cili u aktivizua si zëvendësues në fundin e takimit.
