Lulzim Basha nuk ka kursyer akuzat në drejtim të ish-kryeministrit Sali Berisha, ndërsa ishte në Shkodër ku asnjë prej deputetëve të PD në këtë qark nuk ka preferuar që ta shoqërojë në takimet që ka zhvilluar.
Gjithsesi Basha është shoqëruar nga Xhemal Bushati, kandidati që doli i 3-ti në zgjedhjet për kryebashkiak, dhe Xhevdet Amuli, që është kryetar i degës.
I pyetur nga gazetarët nëse pranonte të ulej me Sali Berishën për bashkimin e PD, Basha tha se ai refuzon propagandën dhe makinacionet e vjetra politike.
Lidhur me akuzat për bunkerizimin e PD, Basha tha se ky është një mashtrim i makinacionit që po përdoret.
“Sa hapa keni parë ju nga pala që solli përçarje? Ato ishin masa mbrojtëse ndaj konfliktit të krijuar nga një njeri për interesa personale. PD mori masa që asnjë demokrat të mos dëmtohej. Lulzim Basha mori përgjegjësinë e tij, kur do e marrë përgjegjësinë Sali Berisha për të çliruar Partine Demokratike. Unë flas për bashkim ai flet për përçarje. Sot është pushtim i selisë por jo pushtim i zemrave të demokrateve”, tha Basha.
A jeni gatshëm për tu ulur me zotin Berisha ?
Basha: Vendimi i gjykatës i paligjshëm dhe kjo do të faktohet. Unë nuk kam refuzuar asgjë që i shërben demokrateve, refuzoj propagandën dhe makinacionet e vjetra politike që i shërbejnë një personi. Mund të kem bërë gabime gjatë drejtimit të PD por nuk kam bërë faj në asnjë moment.
